حلوة عباد الشمس

250غ زبدة ذائبة
3بيض
1/2كاس سكر ناعم
2علب فلان بالفانيليا
فانيليا
فرينة
التزين:
عجينة اللوز
بريو
كاكاو بياض بيض
ملون غذائي احمرواصفر
ماء زهر
قلاصاج
الطريقة:
 خلطي البيض والسكراضيفي الفلان وخلطي+الزبدة+الفاني ثم اضيفي الفرينة تدريجيا حتى تتماسك شكلي حربوش كبير وقطعيه الى قطع متساوية وشكلي من كل قطعة حربوش واعطيه شكل اسوارة اطهيه فالفرن بعد ماتبرد تماما اغطسيها فلقلاصاج
زينيها بوردات من البات داموند
 لوني البات داموند بالون لالصفر وشويو بالكاكاو حلي الصفرا واطبعيها بالطابع الخص بلشمسية

اهنيها ببياض ابيض ولسقسيها فلحبة تاع الحلوى
ولونيها فالوسط بملون احمر
 وحطي فالوسط كرية صغيرة من العجينة الملونة بالكاكووثقبيها بالكوغدو وديرلها البيرو الاحرش

وصفة قاطو بيمو

المقادير :
6 بيضات
رطل مارغرين صول تكون طرية
6 ملاعق كبار عسل
4 ملاعق كبار كاكاو (بامكانك تنقصي الكمية )
ملعقة كبيرة فاني
2 بكيات خميرة
4 علب قاطو بيمو
 الفرينة حتى تتلم

طريقة التحضير :
 اولا نبداو بالبيض مع المرغرين نخلطوهم مليح بالباتور والا باليد ثم نضيفو العسل والفاني ونكملو الخلط باليد ثم نضيفوا قاطو بيمو مرحي مليح ومغربل وكي تعودوا ديروا فيه تلاحضوا بلي ذاب في الخليط ومن بعد نضيفوا الفرينة و الخميرة حتى نتحصل على عجينة طرية
ونشكلوه ونحطوه يطيب
بالنسبة باه نلصقوهم كريمة ومقاديرها هي
كاس حليب +ملعقة كبيرة زبدة +22 ملاعق كبار مايزينة + فاني + السكر حسب الذوف نخلط المقادير كامل مع بعض ونحطهم فوق نار متوسطة ونخلك حتى تثقال و نحوها ونخلوها تبرد
 والشيكولا عادي كل واحد كيفاه يخدمها